ኣብ ክልል ቤንሻንጉል መንነቶም ዘይተፈለጡ ዕጡቓት ንትሽዓተ ሰባት ቀቲሎም

መንነቶም ዘይተፈለጡ ዕጡቓት ትማሊ ንግሆ ኣብ ክልል ቤንሻንጉል 28 ሰባት ፅዒና ትጉዓዝ ኣብ ልዕሊ ዝነበረት መኪና ብዝፈፀምዎ መቓዕቲ ትሽዓተ ተሳፈርቲ ሞይቶም ሸውዓተ ድማ ቆሲሎም ከም መግለፂ ቤት ፅሕፈት ጉዳያት ኮሚኒኬሽን ኢትዮጵያ።ፖሊስ የፃሪዮ ከምዘሎ እውን ተገሊፁ’ሎ።

ካብ ዋና ከተማ ቤን ሻንጉል 100 ኪሎ ሜትር ሪሒቑ ኣብዝርከብ ወረዳ ሸርኮሌ ፍሉይ ሽሙ ተይባ ኣብዝተብሃለ ቦታ ክሳብ ሕዚ መንነቶም ዘይተፈለጡ ዕጡቓት ቶኽሲ ከፊቶም እቶም ትሽዓተ ሽዑ ንሽዑ ክሞቱ ከለው ኣብ ልዕሊ እቶም ሸውዓተ ክኣ ካብ ቀሊል ክሳብ ከቢድ መቑሰልቲ ምብፅሑ እቲ መግለፂ ይሕብር።

መንግስቲ ንገበነኛታት ሒዙ ናብ ፍርዲ ንምቕራብ ናይቲ ከባቢ ሓይልታት ፀጥታ ተዋፊሮም ኣለው።ደድሕሪ እቲ መጥቓዕቲ መን ከምዘሎ እውን ምርመራ ከምዝተጀመረ እቲ መግለፂ ወሲኹ ኣፍሊጡ’ሎ።